DE UBESTIKKELIGE (“The Untouchables”) blir først ut i filmklubben denne vinteren – og til ei litt anna tid enn til vanleg (kl. 13.30). Grunnen til det er at Indre Nordmøre Senioruniversitet og Slektsforum for Indre Nordmøre vil ha eit eige møte i kinosalen frå kl. 12 om den norske – og lokale – tilknytinga til hovudpersonen i filmen: Eliot Ness (spelt av Kevin Costner). Filmen handlar om korleis Ness og hans etterforskarar prøvar å få fengsla Al Capone, den tidas mest frykta gangster. Sia dette er den første filmen i vinter, blir det betalt inn kontigent, og ikkje billett, denne gongen. Prisen er den same, så slik sett kjem ein like billeg frå det. DE UBESTIKKELIGE har ikkje berre Kevin Costner, men også fleire andre kjente namn på rollelista, som Robert De Niro og Sean Connery.